tibbiyot va til

УГИЛМИ ЁКИ КИЗ!!!

modest — Tue, 09 Sep 2014 10:00:34 GMT

КУЙИДА КЕЛТИРИЛГАН ФАЙЛДА ЯПОН УСУЛИДА АНИКЛАНАДИГАН БОЛАНИ ЖИНСИНИ РЕЖАЛАШТИРИШНИ КАЛЕНДАР УСУЛИ КЕЛТИРИЛГАН.

ФАЙЛНИ КУЧИРИБ ОЛИШ УЧУН БУ ЕРНИ БОСИНГ http://kutubhona.ucoz.com/load/0-0-0-9-20

ЭРКАКНИНГ ИККИНЧИ ЮРАГИ

modest — Tue, 19 Aug 2014 08:46:23 GMT

ЭРКАКНИНГ ИККИНЧИ ЮРАГИ

Эркакнинг иккинчи юраги – простата бези хакида деярли хамма эшитган, лекин купчиликда у хакида етарли маълумот мавжуд эмас. Шифокорлик иш жараёнимда куп беморлар: «Менда простата бор!», - деган иборани ишлатади. «Простата» - бу хамма эркакларда мавжуд органнинг исми холос, бу бирор касалликни бидирмайди. Бугун бу орган хакида ва ундаги баъзи касалликлар хакида тухталиб утаман.

Анатомияси

Простата бези кичик тазда жойлашган булиб, унинг тепасида ковук, пастида эса таз мушаклари, орка томонида тугри ичак, икки ён ва олд томонида эса таз деворлари мавжуд. Простата бези билан кушни органлар орасини эса ёг тукимаси тулдириб туради. Простата бези каштан шаклига эга булиб, унинг уртасидан сийдик чикарув канали тешиб утади. Икки уруг йули простата бези ичида сийдик йулига очилади. Простата безини бир кисми мушак ва колган кисми бездан иборат. Хозирда простата безини бир неча зоналарга булинилади. Бу расмда курсатиб утилган.

Зоналарга булишдан максад, турли зоналардан турли касалликлар ривожланади ва касаллик турли зонада турлича белги билан ифодаланади. Бу зоналарни тукималари хам турлича ривожланган булади. Мисол: утувчи зонадан купрок простата бези хавфсиз гиперплазияси ва 25% простата раки ривожланиши аникланган.

Простата безини вазифалари

Сийдик чикишида ва сийдикни ковукда ушлаб туришдаги фаолияти. Бу вазифани простата безини мушак кисми бажаради. Простатит (простата безини шамолллаши) ва простата бези аденомаси(простата бези хавфсиз гиперплазияси)да бу фаолият бузилиши кузатилади.
Уруг чикариш вазифаси. Бевосита уруг отиш каналидаги уругни сийдик чикарув каналига утказиб беради.
Уругни бир томонлама чикишини таъминлаш вазифаси. Простата безида уруг чикарув канал тепасида клапан вазифасини бажарувчи кисм булиб, бу кисм уруг чикиш вактида катталашиб ковук томонни тусиб туради. Бу кисм вазифаси бузилиши кандли диабед ва орка мия касалликларида куп учрайди. Буни ретроград эякуляция деб аталинади. Алокада уруг ташкарига чикмайди ва ковук ичига кириб кетади. Беморда бепуштликка сабаб булади. Баъзи дорилар хам бунга сабаб булиши мумкин.
Уругни чикиш вактига ва жинсий хиссиёт(оргазм)га таъсири. Юкоридаги клапан кисмда жуда куп нерв охирлари жойлашган булиб, уларни кучли кузгалиши уругни тез чикишига ва таъсирланишини пастлиги аноргазмияга(жинсий сезгини йуклиги) олиб келади. Ретроград эякуляцияда купрок оргазм пасайган ёки умуман кузатилмайди.
Простата суюклигини ишлаб чикариш. Простата суюклиги эякулят(ташкарига чиккан уруг суюклиги)нинг 30-40% ини ташкил килади. Простата суюклиги таркибидаги моддалар уругнинг суюлишини кучайтиради, уруг хужайралари (сперматозоидлар)ни озиклантириб, уларнинг харакатчанлигини ва тириклигини узайтиради.
Эндокрин вазифаси. Простата узидан биологик фаол модда ишлаб чикаради ва уни конга утказади. Бу модда факат жинсий алокада ажралади. Бу модда инсон жинсий кувватига ижобий ва уруг ишлаб чикаришга салбий таъсир килиши аникланган.

Простатит – турли омиллар таъсирида простата тукимасини яллигланиш касаллиги булиб, турли клиник симптомлар билан намоён булади. Касаллик 35-50 ёшларда куп учрайди.

Сабаблари ва ривожланиш механизми

Касаллик кузгатувчи омиллар:

Инфекция – ичак таёкчаси, серрата, клебсиелла, протеус, стафилококк, энтерококк ва бошкалар. Бевосита простата безини зарарлаб яллигланиш келтириб чикаради.
Турли химиявий омиллар – интрапростатик рефлюкс окибатида яъни сийдикни простата бези каналлари оркали без ичига кириши ва сийдик таркибидаги турли моддаларни яллигланиш чакириши тушунилади.
Иммун омиллар – цитокинлар ва лейкотриенлар яъни иммун тизим хужайралари ишлаб чикарган моддаларни бевосита таъсири окибатида простатада яллигланиш келиб чикади.
Нейроген омиллар – сурункали таз огриги мисол була олади. Бунда касаллик бошка органларда булиб купрок простатит белгиларини беради. Бундан ташкари простата бези фаолиятини бошкарувчи нервлар фаолияти бузилиши кичик таз органларида касаллик ривожланишига шароит яратади.

Касаллик ривожланишига таъсир курсатувчи омиллар:

Нотугри жинсий хаёт тарзи – химояланмаган ва жинсий йулларида касаллиги бор партнёрлар билан куп алокада булиш
Жинсий хаёт гигенаси ва шахсий гигиена коидаларига амал килмаслик
Норегуляр жинсий хаёт
Простата тоши
Кам харакатли хаёт тарзи, сурункали кабзияд
Сурункали совук таъсири
Доимий сийдик каналида катетер булиши
Сийдик каналида инструментал аралашувлар
Организмдаги инфекция учоклари мавжудлиги (абсцесс, ангина, отит, йирингли тошмалар ва х.)
Иммун тизимини сусайтирувчи касалликлар (кандли диабед, орттирилган иммун танкислиги, алкоголизм)ва б.

Касалликнинг синфланиши

Хозирда касалликнинг жуда куп таснифлари ишлатилади. Улардан энг куп таркалгани АКШ миллий саломатлик институтиинг таснифи:

Уткир бактериал простатит
Сурункали бактериал простатит
Сурункали абактериал простатит
1. Яллигланиш шакли – простата суюклигида лейкоцитлар сони ошган булади
2. Яллигланишсиз шакли – простата суюклигида лейкоцитлар сони нормада булади
Симптомсиз тури – беморда хеч кандай узгариш булмайди, факат простата суюклиги текширилганда яллигланиш топилади.

Касаллик белгилари

Касаллик турига караб клиник белгилари жуда хилма-хил булади. Умумий холда куйидаги белгилар учраши мумкин:

Огрик – ковукка, ораликка, чов, орка пешоб, моякларга ва баъзан сонгача бериши мумкин. Огрикни кучи турлича булади.
Сийишдаги узгаришлар:
- Тез-тез сийиш
- Сийганда ачишиш ва огрик
- Сийишни охирида кучли ачишиш ва огрик
- Сийдик окимини сустлиги, кучаниб сийиш
- Уткир простатитда сийдик охирида кон келиши мумкин
- Уткир простатитда уткир сийдик тутилиши учраши мумкин
Жинсий алокадаги узгаришлар:
- Уругнинг тез келиши
- Уруг чикиш вактида ва ундан сунг огрик булиши
- Бепуштлик
- Спонтан(тонгги ва бошка вактлардаги) эрекцияни камайиши
- Баъзан алокадаги эрекцияни пасайиши
- Либидо(жинсий алокага булган кизикиш)нинг пасайиши
- Оргазмнинг сустлиги ва б.
Уткир простатитда юкоридагиларга кушимча интоксикация(захарланиш) белгилари булади:
- Иситма 39 С ва ундан юкори
- Калтираш (безгак олиш)
- Холсизлик
- Кунгил айниш
- Юрак уйнаш ва б.

Текширувлар

Простата суюклигини микроскопияси ва бактериологик экиб текшириш
Ультратовуш текшируви
Умумий кон ва сийдик текширувлари
Урофлоуметрия
Иммун холатни текшириш ва курсатмага кура бошка тешкширувлар

Даволаш

Диагноз куйиш ва даволашни факатгина мутахасис шифокор амалга оширади. Хозирда куйидаги даволаш усуллари кулланилади:

Антибиотикотерапия
Ностероид яллигланишга карши дорилар
Альфа адреноблокаторлар
Иммуномодуляторлар
Дезинтоксикацион терапия
Цитокин ингибиторлари
5 альфа редуктаза ингибиторлари
Фитопрепаратлар
Аллопуринол
Простата массажи
Физиотерапиялар: термотерапия, лазеротерапия, магнитотерапия, инфракизил нурлаш ва бошкалар.
Психотерапия
Пархез
Режимга амал килиш(регуляр жинсий алока, совукдан сакланиш ва б.)
Хирургик даво(простата кистаси, склерози, абсцесси ва б.)

Асоратлар

Умумий касалларнинг 7-36% ида турли асоратлар учрайди. Бунга сабаб бемор вактида мурожаат килмаганлиги, даво муолажа охиригача кабул килинмагани, даволаш режими бузилганлига ва бошкалар. Куйида баъзи асоратларни келтириб утаман:

Простата абсцесси
Эпидидимит ва орхит(мояк ортиги ва моякни яллигланиши)
Везикулит(уруг копчасини яллигланиши)
Уткир сийдик тутилиши
Бепуштлик
Жинсий бузилишлар
Простата склерози(чандикланиши)
Сепсис(конга инфекцияни таркаши)
Простата тоши
Цистит
Турли даражада психоневрологик(рухий) узгаришлар ва б.

Касалликнинг олдини олиш

Касалликнинг даволашдан олдини олиш осонрок деган наклга амал килишни тавсия бераман. Юкорида касаллик ривожланишига олиб келувчи омиллардан сакланиш, касаллик ривожланишини олдини олади. Уларни яна бир бор эслатиб утаман:

Доимий ягона жинсий партнёрга эга булиш
Жинсий ва шахсий гигиена коидаларига амал килиш
Узок совук утишидан сакланиш
Алкогол ва аччик таомлардан сакланиш
Инфекция учокларини даволатиш
Регуляр жинсий хаёт – узок вактга жинсий алока тухташи ва киска вактда купайиб кетишидан сакланиш
Кейгел машки – бу машк кичик таз аъзоларини кон айланишини кучайтириб, махаллий иммунитетини мустахкамлайди ва нерв-мушак бошкарувига ижобий таъсир этади.

Кулланилган адабиётлар

Национальное руководство по урологии под ред. Н.А. Лопаткина Моска 2009
Руководство по клинической урологии А. Я. Пытеля издательство «Медицина» Москва 1969
Европа урологлар ассоциацияси кулланмалари
Турли интернет сайтлари, лекция материаллар ва укув программалари.

Муаллиф: Исломов Одилхон Рустамович

Кейгел машки

modest — Tue, 01 Jul 2014 13:19:05 GMT

КЕЙГЕЛ МАШҚИ

Бу таз мушакларини мустахкамлаш учун ишлаб чиқарилган машқ. Сийиш вактида сийдикни тўхтатишга харакат қилинади ва сийдик тухтатишни урганиб олинади. Шу сийдикни тухтатишда кискарган мушак жуда куп вазифани бажаради. Бу машк хожатхонада БАЖАРИЛМАЙДИ!!! Факат кайси мушакни кискартиришни урганиб олинади холос.

Кейгеля машқини 3 та қисми бор:

Кисқартириш ва ушлаб туриш: мушакни сийдик тўхтатишдаги каби қисқартиринг ва 3-5-10-30 гача санаб, сўнг бўшатинг.
Тез кискартириб тез бушатиш: мушакни иложи юорича тезроқ қисқартиринг ва бўшатинг.
Кучаниб чиқариш: аёлларда: туғишдаги ва ич келгандаги каби; эркакларда: сийдик охирини чиқариш ва ич келгандаги каби; аёл ва эркак: бу машқда қорин мушаклари хам иштирок этади. Бу машқда орқа пешоб кучаниши ва бўшашиши кузатилади.

1−хафта: юкоридаги 3 та машқни хар бирини 10 мартадан кунига 5 махал. Бир маротабада 30 та, бир кунда жами 150 та машк бажарилади.

2−хафта: хар бир машқни 15 мартадан кунига 5 махал

Хар хафта 5 тадан машқни қўшилади ва 5 хафтада 30 тагача чиқарилади. Сўнг тонусни ушлаб туриш учун кунига хар бир машқни 5−10 мартадан кунига 5 махал давом эттирилади. Машқни хохлаган жойда бажариш мумкин: ётган, ўтирган, турган ва юрган холатда.

Кўрсатма: аёллардаги сийдик тута олмаслик ва эркаклардаги эректил дисфункция, эркакларда жинсий алокани узайтириш максади

ЦИСТИТ ЁХУД "ЧАХМАЗАК"

modest — Sat, 28 Jun 2014 11:03:34 GMT

Цистит ёхуд «чахмазак»

Цистит ёки халк ичида «чахмазак» номи билан машхур булган касаллик хакида озгина маълумот бериб утмокчиман. Цистит (грекча «kystis» - ковук ва «+itis» - яллигланиш) бу ковук деворини яллигланиш касаллиги булиб, купрок ковукнинг ички шиллик кавати зарарланади.

Цистит аёлларда энг куп таркалган урологик касаллик хисобланади. Россияда хар йили 26-36 миллион холат кайд этилади(Лоран О.Б., 1999). Цистит инсон ёшига, жинсига ва хаёт тарзига караб турли микдорда учраши аникланган.

1-15 ёшли кизларда 4%ни ва шу ёшдаги болаларда 0,5% ни яъни хар 100 та киздан 4 тасида ва хар 200 боладан 1 тасида бу касаллик учрайди.
20-40 ёшдаги аёлларда 25-35%ни ташкил килса, шу ёшдаги эркакларда эса 1 % атрофини ташкил килади.
65 ёшлар атрофида эса иккала жинс ваклларида 40-35% ни ташкил этади.

Бу маколада асосан аёллардаги циститга купрок эътибор бераман.

Кискача ковук анатомияси ва физиологияси хакида.

Ковук буш, мушакдан тузилган орган булиб, сийдик туплаш ва сийдик чикариш вазифасини бажаради. Унда учта тешик бор: 2 та сийдик найини тешиги ва 1 та сийдик чикарув каналини тешиги. У кичик тосда жойлашган. Унинг хажми 250-500 мл атрофида булади. Девори 3 каватдан иборат: ички – шиллик, урта – мушак ва ташки – адвентиция. Аёллар сийдик чикарув канали киска ва кенг булади. Узунлиги 3,5-4 см. Ташки канал диаметри 3-9 мм атрофида булади. Аёлларда сийдик найининг орка томонида кин ва тугри ичак жойлашган.

Касаллик сабаби

Касаллик сабаблари жуда куп:

Инфекция (ичак таёкча, стафилококк, клебсиелла, протеус ва б.)
Вирус
Паразит
Химиявий - токсик
Термик
Радиацион
Дори окибатида ва б.

Энг куп касалликни микроблар чакиради ва бу микроблар ичида асосий уринни грамм манфий микроблар ( асосан ичак таёкчаси) эгаллайди. Ичак таёкчаси касалликнинг 70-95% ида кузгатувчи эканлиги аникланган.

Касаллликнинг ривожланиш механизми.

Касаллик ривожланишида жуда куп омиллар керак булади. Шулардан бири касаллик чакирувчи (патоген) микроблар. Лекин микроб булгани билан доим хам касаллик ривожланавермайди. Бунда ковук химоя тизимларини катта роли бор. Ковукнинг узини-узи химоя тизимлари:

Сийдик чикарув канали ичида ёки атрофида Скин безлари мавжуд. Бу безлар ишлаб чикарган суюклик таркибида махаллий химоя омили – иммуноглобулин А булади. Бу модда микробларни ураб олиб, ковук ичига киришини тухтатади ва шиллик каватга ёпишишини камайтиради. Бу без жинсий балогатга етиш даврида тулик ривожланади ва хомиладорликда фаолияти кучаяди.
Ковук шиллик кавати хужайралари (уротелий) узидан яна бир химоя омили мукополисахарид (гликозоаминогликан) ишлаб чикаради. Бу модда хам микробларни ковук деворига ёпишишини тухтатади ва сийдик билан чикиб кетишини таъминлайди. Бу ковукнинг асосий химоя катлами булиб, гликокаликс деб аталади. Бу модда ишлаб чикарилишини аёллик гормонлари эстероген ва прогестерон бошкаради. Дори моддалардан гепарин бу моддани ишлаб чикаришини кучайтиради.
Ковук шиллик каватини фагоцитар активлиги яъни махаллий иммун тизим хужайраларини патоген микробларини улдириши.
Гидродинамик химоя – сийдик юкори тезлик билан микробларни «ювиб» тушиб кетиши.
Тунда сийдикни концентирланиши(куйиклашиши) – буни окибатида сийдик осморярлиги ошиб, микроб ичидаги суюк кисмини суради ва микроб халок булади
Ковук шиллик каватини кучиши – танадаги бошка копловчи тукималар каби ковук ички девор хужайралари (уротелий) хам вакти – вакти билан кучиб тушади ва узида ёпишган микробларни олиб тушиб кетади
Сийдик таркибидаги баъзи антибактериал моддалар – бевосита микробни улдиради.

Юкоридаги химоя омиллари бузилишига олиб келувчи холатларда купрок касаллик ривожланади. Касаллик ривожланишига имконият яратадиган вазиятлар:

Умумий ва махаллий иммунитетни пасайишига олиб келувчи холатлар (аёллар гормонлари билан даволаниш, кандли диабет, гипотериоз каби эндокрин касалликлар, узок вакт антибиотик ичиш, камконлик, узок вакт цитостатиклар(усмага карши дорилар) билан даволаниш, совук котиш ва б.)
Ковукдаги органик узгаришлар ва фаолиятини бузилиши. Буни хисобига ковукдаги сийдик тулик бушамайди ва микроб билан зарарланган сийдик чикиб кетмайди. Окибатида микроб ковук ичидан йуколмай касаллик сурункали шаклга утади.
Ковук ичига инструментар аралашувлар(цистоскопия, ковукни катетеризацияси)
Фаол жинсий хаёт кечириш, жинсий хаёт гигиенасига амал килмаслик

Микробни ковукка кириш йуллари:

Юкорига кутарилувчи йул – микроб оралиг ва орка пешоб сохаларидан сийдик чикарув канал оркали кутарилиши
Пастга тушувчи йул – буйракдан пастга тушиши
Лимфоген – ёнбош органлар оркали
Бевосита атроф тукималардан ковук девори оркали – бу холат операция вактида ковук девори зарарланиши окибатида окма яра сифатида намоён булади.

Энг куп учрайдиган йули бу юкорига кутарилувчи йул хисобланади.

Касаллик белгилари

Уткир цистит одатда бирор кузгатувчи омил таъсиридан сунг (совук котиш, инфекцион касалликдан сунг, жинсий алока, травма ва б.) бирданига бошланади. Беморда куйидаги шикоятлар булиши мумкин:

Тез-тез сийиш
Доимий сийдик кисташ холати
Сийишда кучаниш
Ковук ва оралик сохада димий огрик
Сийиш вактида огрик ва ачишиш
Сийдик охирида кон келиши
Колдик сийдик колиш хисси
Кечкурун тез-тез сийгани чикиш
Сийгани бирданига кистов булиш ва баъзан улгурмай колиш
Баъзан болаларда уткир циститда уткир сийдик тутилиши кузатилиши мумкин

Буни текширишда асосан сийдик тахлили килинилади. Сийдик тахлилида лейкоцитурия (лейкоцитлар сонини куп булиши)аникланади. Керак булса бошка текширув усуллари: сийдикни экиш, цистоскопия, рентген текшируви кабиларни факат мутахасис шифокор тавсия этади.

Касалликка жуда куп кайталаниш характерли. Бунга куйидаги омиллар сабаб булади:

Аёл организмини узига хослиги(сийдик чикарув каналини)
Ирсий мойиллик
Грамм манфий микробларни тукимага ёпишиш хусусияти юкорилиги
Жинсий аъзолар касалликлари
Сийдик канали ташки тешиги аномалиялари
Жинсий хаёт тарзи (эрта бошлаш, норегуляр ва куп партнёрга эга булиш)
Жинсий йуллар оркали юкадиган касаллик мавжудлиги(сузак, трихомониаз ва захм каби)
Даволанишни охиригача олиб бормаслик
Кайта айни уша инфекцияни юкиши(ичак таёкча)
Жинсий хаёт ва бошка шахсий гигена коидаларига амал килмаслик
Антибиотикларни назоратсиз, уз холича ва пала-партиш истеъмол килиш
Тасдикланмаган ва ноодатий усуллар билан нотугри даволаниш
Узини-узи даволаш

Даволаш усуллари

1.Микробга карши дорилар

2.Яллигланишга карши дорилар

3.Сийдик харакатига органик ва функционал халакит бериб турган бузилишларни даволаш

4.Жинсий ва гигиеник омилларни коррекция килиш

5.Иммунотерапия

6.Сийдик рН ини узгартирувчи терапия

7.Диета ва ичиш режимига амал килиш, фитотерапия, физиотерапия ва б.

Даволашни факат мутахасис шифокор диагноз куйиб, сунг амалга оширади.

Касалликни олдини олиш

Ич котишини олдини олиш
Сийдик йуллари шиллик каватини таъсирловчи овкатлардан пархез килиш (тузланган, турли овкат кушимчалари, консервалар, уткир соуслар, уксус, алкоголли ичимликлар, аччик чой, газланган суюкликлар, калампир ва б.)
Шахсий ва жинсий гигиена коидаларига эркак ва аёлларни бир хил амал килишлари.

Кулланилган адабиётлар

1.Г.Н. Скрябин, В.П. Александров, Д.Г. Кореньков, Т.Н.Назаров – Циститы (учебное пособие) Санкт Петербург 2006

2.Национальное руководство по урологии под ред. Н.А. Лопаткина

3.Теплов С.А, Назарова Л.С, Елисеева И.П. Уретриты, циститы, кольпиты, вульвовагиниты. Крон-Пресс. М., 2000. с 253.

4.Бошка куплаб интернет сайт маълумотлари ва расмлари.

Муаллиф: уролог Исломов Одилхон Рустамович